HIP-HOP

@ 08/09/2017

Hip hop嘅野，我真係唔係好識，淨係記得中學嘅時候好多MK仔着啲好鬆身嘅衫，同埋條瀨屎褲着到就黎跌落地下（當然我都有咁試過）。同埋我好記得，我第一首認認真真聽嘅Rap 歌係陳冠希呢首「戰爭」。個年中二，跟學校交流團返大陸，搭車嘅時候借左隔離班男仔個MP3黎聽，一聽「戰爭」呢首歌，就即刻通左電。跟住係成個交流團，就係咁攞住佢部MP3煲呢首歌，煲到對方最後唔肯借部機比我。

​由陳冠希呢首「戰爭」開始，之後就開始聽LMF。個陣會好努力背「揸緊中指」D歌詞，之後去K房唱。搞笑嘅係，唔知係米提早老人痴呆，到而家其實都唔係好背到D歌詞。