Discover Hong Kong - 六四

@ 20/06/2014

試問誰人未發聲

參加完今年六四二十五週年燭光晚會後，心裏頗有感觸（注意，不是感動）。當晚我也與不同的朋友談論了關於六四集會的各自睇法。其中一友人說到，過去幾年都有參加，但覺得一切都系流於形式化，已經沒有什麼意義，所以今年唔參加了。其實對於此朋友的說法，我身同感受。因為那天當下的感覺是台上講既，可能都系得個講字，台下聽既，可能都系呢一晚聽，而且有些人趁呢場全港其中一個最大型的集會中撈政治本錢。在台上說得多麼多麼的漂亮，但落了台下，老實說，也不見得對於平反六四，中國民主的爭取落多大的力。而台下的，可能一年也大概只會在這天出現，其他的民主活動也不見其蹤跡。

不過，話雖如此，但請試想下，環顧全球，唯獨香港先會有如此大型既平反六四活動。所以 如果連呢個基本既六四晚會都無埋，其實就真系玩完。玩完既不但系六四永遠無得平反，更加系香港都玩完。而且，在於我認為，呢個集會最重要的系教育，被教育對象包括系上一代，呢一代既我地同下一代。而教育既不但系歷史既事實，仲要系爭取民主既熱誠同堅持。當然百分之90幾既人，可能今晚之後，又會恢復正常，但只要一個成功被感染，被改變，咁歷史就已經有機會被改變。黃之鋒系其一例。我唔可以100%肯定話佢受到六四集會改變左多少，但可以肯定的系，佢系呢種爭取民主，平等人權既氛圍下長大，或多或少都刺激佢去思考歷史的正確，思考何為民主。然後某一刻，由被動變左主動，跟住，歷史就已經開始被改變，香港民主路上從此多左一個鬥士。而佢又會影響無數其他人。所以，六四晚會系有存在既必要性縱使好多因素都令我地好痛心，包括某些人當晚好似睇演唱會咁，只系當一場show，出席完就走， 有時仲慘過睇演唱會，比如睇5月天，1萬幾人會好投入一齊唱，但當晚現場個d，連叫口號都覺得面紅... ...但這也不能完全怪佢地，因為呢個系涉及中國人既文化，同殖民文化影響。呢兩者都系強調我地服從多過出聲，所以一直以來，香港人對政治都是被動的，冷感的。但新一代既教育又不同，所以，現今的政治氣氛和環境與以前已大不同。

中國的同胞甚至香港的領導人整天都話，我地香港人唔愛國。其實，如果我地唔愛國，我地系唔會關心呢個國家既民生，唔會二十五年來從不間斷咁要求平反六四。只不過，我地愛既方式不同！

P.S 政治從來都是說一套做一套，你那邊痛批日本刪改教科書否認南京大屠殺，這邊不也是沒有承認六四屠城？