讓子彈飛

@ 12/12/2017

今晚同朋友食宵夜的時候，從朋友口中得知另一個朋友，有意結婚，仲打算和女朋友搬出來住。我當堂真係‘嘩’左一聲，然後補多句：搞D 咁嘅野？

當然我係衷心替這個朋友開心，畢竟要找到個可以廝守終生的談何容易。我並不是反對朋友結婚，也不反對他們搬出來住。只是Timing，不應是此刻。少少背景：朋友二十二歲，和他的女朋友拍拖大半年，月入大該萬中，相信過多一年半載，會加至二萬，女朋友目前則兩萬。以兩個人合共四萬月薪，當下租一個他們心中所想的五，六千村屋單位住，其實沒有太大問題。但個問題不是出在當下，而是未來。

作為年輕人，特別係男人。我們好應該珍惜自己的子彈，每一顆子彈都應該要用得其所。戀愛，是甜蜜的。特別熱戀期間，總是想多見幾面，也總覺得見極都唔夠。但以共住去解決呢個「相思病」，實在萬萬不應該。就當租一個五千蚊的單位，一年的租金開支就已經六萬，仲未計燈油火蠟，添置家具等等支出，粗略估計一年開支都十萬。或許你會話，呢十萬我使得起。係，你係使得起，但使得不值。要知道，租一年十萬，兩年十六萬，如果省下這筆錢，為將來做準備，我相信個價值會大好多。租左樓，變相係將買樓延期，又或者將自己發展嘅可能性也都縮窄左。

感情，固然要投資與維繫。但正正是為兩人的將來着想，更加不能浪費我們的子彈。係香港這個物質主義與及處處面子工程的社會，其實怎樣做對我們自己才是最好的？二十幾歲的我們，係年輕，但係米有為，就好睇自己如何善用自己不多的資源。

男人，其實不用急於證明自己。一步一步踏實走上去，總比一步到位，來得更實在。

子彈若要飛，就要飛得有價值。

＃你想想，房東賺左多少錢？