地獄廚房

就好像哥倫布未展開新大陸探索之前一樣，我對於烹調這個區域，幾乎完全一無所知。除了煮公仔麵，煎蛋，煲飯，再多的我已經不懂了。而在早幾年與學生講起想學廚，礙於工作忙碌，再加上懶（主因），一直都未付諸行動。而今年1月趁着展開七年以來的悠長假期，把心一橫，決定學廚。

下定決心後，第一件事便是購置了一台焗爐以及其他各類工具，然後便開始上網瀏覽不同的簡單食譜。曾經以為下廚是十分複雜，但當自己親手嘗試時，發現又並不是想像中的困難。當然，過程中，還是有很多失敗和雞手鴨腳的情況出現。例如原來意粉要煮得夠能先可以再擺落鑊炒，而我第一次煮的時候時間不夠，而導致麵非常硬，但又唔想浪費，最後勉強吃掉。而個晚心口銀到想嘔，真係比自己笑死！雖然目前連半桶水都不如，但起碼比起當初，確實進步了不少，自己都代老媽子感到欣慰，哈哈。

去街市買菜，研究食譜，找出問題繼而改善，整個過程都係好有趣。希望有一日可以煮完見得下人。好啦，無咩事，返返去廚房洗碗先。