一斤豬肉

@ 24/02/2018

對於小朋友，農曆新年最開心莫過於收利是。但收到了之後，然後呢？

我問了問中心的小朋友們。

有的話，比媽媽儲，儲夠錢之後買迪迪尼全年票，咁就可以日日去。

有的話，儲係媽媽度，之後買股票。

咁咩係股票？

好似係上上落落個D。

有的話，比爸爸儲，用來交學費。

有的話，比爸爸儲，儲埋之後生日買玩具車。

但生日的時候，不是爸爸送禮物給你嗎？

爸爸買的我不喜歡，我可以買自己喜歡的。

有的話，儲係自己銀行，日後Working Holiday用。（中一學生）

對於小朋友，十個有九個利是錢都是比爸爸媽媽儲。正所謂騙徒嘅手法層出不窮，小時候，當阿媽話：「利是錢，我幫你儲埋佢啊下。」我又真係以為啊媽會幫我儲埋佢，就毫無防範地拱手相讓。我真係好天真同好傻。

​小學三四年級的時候，一次跟媽子去市集，我話我想取回我的利是錢，媽子竟然話不會還給我。我當下真係晴天霹靂，然後佢話：「你嘅利是錢，用左黎買呢袋豬肉。」雖然我心有不甘，但個晚餐飯，我係食得好驕傲，因為我覺得餐飯我係有貢獻。